Roxas-Binay camps padayong nagtigi

CEBU, Philippines - Ang duha ka kampo sa nagtigi karon sa pagka-bise presidente sa nasud nga mao sila si Sen. Mar Roxas ug Makati Mayor Jejomar Binay padayong nagpadungganay nga sila maoy leading sa eskutenyo.

Sa taho sa ANC sa ABS-CBN News ang dominant minority party nga Liberal Party (LP) nga nakakuha usab og kopya sa Certificate of Canvass (COC) pabiling misalig sa ilang kaugalingong ihap sa botos.

Matud sa ANC nga base sa 81 porsyentong nakompletong COC gikan sa Commission on Elections (Comelec) ug ang mga report gikan sa field kabahin sa 19 porsiyentong COC nga wala pa makompleto, ang LP nangangkong si Roxas dunay advantage nga 130,000 nga boto kang Binay.

Daan nang mipahibalo si LP Bantay Balota chairman Avelino Cruz nga dili molapas og 200 mil ang botos kun modaog man si Roxas batok kang Binay ug mipasiaw pang susama kini kanipis sa buhok sa ilang campaign manager nga si Florencio “Butch” Abad. Apan ang Pwersa ng Masang Pilipino (PMP) ni Binay daling misalikway niini ug nanawagang ipahunong na ang susamang mga pangondisyon sa huna-huna sa mga tawo.

“They’re saying that out of this 81% (COC’s), Mar Roxas is leading by 137,404. This is definitely manipulated figures,” matud ni Atty. Jose Virgilio “JV” Bautista sa PMP. “In this race there has never been a single instance that Roxas had more votes than Binay, and the only exceptional instance was in the count of Bantay Balota,” dugang pa niini. Apan si Atty. Ronald Solis miyembro sa Aquino-Roxas Bantay Balota, wala mouyon sa gipanulti ni Bautista.

“This is a close fight. We’re not saying we’ve won the elections. We’re not claiming victory as of yet. What we’re saying is no candidate at this point in time should say he’s already won the vice-presidency. There’s a process where these votes will be counted”, pasabot ni Solis.  – BANAT NEWS