Motorista sa south nabalaka

CEBU, Philippines - Ang mga motorista nga moagi sa south coastal road habig sa barangay Cansojong, dakbayan sa Talisay nabalaka nga adunay mahitabong disgrasya gumikan sa mga sakyanang anha iparada sa daplin sa karsada samtang ang mga sakay mangaon sa mga kan-anan sa maong lugar.

Si Talisay City Administrator Richel Bacaltos mibutyag sa Banat News nga illegal ang ubang gipanukod nga mga kan-anan sa maong lugar tungod kay wala kini molukat og business permit.

Usa sa gipangayo sa business permit mao ang parking area o luna nga kaparadahan sa mga sakyanan sa mga customer nga mangaon.

Ang ubang mga naninda og pagkaon walay parkinganan sa ilang mga customer hinungdan nga ang ilang customer anha na mo0parking sa sakyanan sa daplin sa karsada.

Ang kakusog managan sa mga sakyanan nga moagi dihang dapita maoy gikabalak-an sa tanan kay peligro kaayong madasmagan ang mga giparadang mga sakyanan.  (BANATNEWS)