2 minors angol

CEBU, Philippines - Samdan ang duha ka minor de edad human aksidenting naigo sa pugakhang sa sitio Reinnasance barangay Bulacao-Pardo pasado alas singko sa kaadlawon kagahapon.Ang biktima nga si Neil Jun Pampilo, 13, nakaangkon og samad pinusilan sa ibabaw nga bahin sa tuong dughan samtang si Junmar Zicgnas Abejar nakaangkon usab og samad pinusilan sa iyang batiis.

Ang suspetsado nailhan nga si Ricky Abejar, 28, half-brother sa usa ka Arnulfo Ebrado, 44, nga mao untay tuyong pusilon sa suspek apan wala maigo.Sa imbestigasyon sa kapolisan, ang mga biktima mitambong og vigil sa maong lugar samtang ang suspetsado ug si Ebrado nag-inom duol sa vigil.

Kalit nga naglalis si Ebrado ug ang suspek ug nagsinukmagay, ang suspek daling mibiya ug sa pagbalik nagdala na kini og pugakhang nga gisulod sa sako sa bugas ug gipusil ang iyang igsuon makaduha ka higayon apan wala kini maigo.

Si Pampilo maoy nahagba ug nagmulo usab sa samad sa bitiis si Abejar hinungdan nga dali silang gidala sa Cebu City Medical Center samtang ang suspek mikaratel og dagan. (BANATNEWS)