Gwen andam makigsabot ni Mike
CEBU, Philippines - Gipadayag ni Gob. Gwendolyn Garcia nga andam siyang makig-alayon ngadto sa napiling mayor sa siyudad sa Sugbu nga si Mayor elect Vice Mayor Michael Rama.
Kini aron mahatagan og kasulbaran ang panagtrokis sa kagamhanan sa siyudad ug lalawigan sa Sugbu labot sa lot 93-1 ug uban pang mga proyekto.
Matud pa ni Garcia nga iyang gipaabot nga mas maayo na ang relasyon sa probinsiya ug sa dakbayan karong dili na si Mayor Tomas Osmeña ang magdumala sa siyudad sa Sugbu.
“I am willing to work with a sane, decent, responsible public officer specially if he is a chief executive of a major cities,” sigon pa ni Garcia .
Matud pa sa gobernadora nga may track record siyang ikapakita sama sa iyang maayong pagpakigsuod sa ubang mga goberandor sa tibuok nasud ug sa mga mayor sa probinsya sa Sugbu.
Ang goberandora niingon nga ang siyudad sa Sugbu mas molambo kay wala na ang gihulagway niining aroganteng mayor. - BANAT NEWS
- Latest
- Trending
