Rama nagpasalamat nga nakadaog

CEBU, Philippines - Si Vice Mayor Michael Rama mapasalamaton sa tanang Sugboanon nga misalig sa pagpili kaniya nga mamahimong mayor sa dakbayan sa Sugbo human kini makahakot og 210, 520 ka boto ug opisyal nga giproklama isip mayor kagahapon.

Sa pag-atubang ni Rama sa mga sakop sa media kagahapon makita ang kalipay nga iyang nabati mahitungod sa resulta.

“It’s a great feeling knowing Cebuanos, trust you. It’s amazing and I’m very thankful to the Cebuanos.”matud pa niini.

Giklaro usab sa bise-mayor nga ang iyang kadaugan mamahimong rason nga iyang ihunong ang kaso nga iyang gipasaka batok ni James Tionko sa pasangil nga siya usa ka protector sa drugas.

“No,dili na siya mahitabo because that’s legal,” dugang pa niini.

Giklaro hinuon ni Rama nga posibleng mamahimong si Tomas ang moduma sa South Road Properties hinungdan nga nasugdan na kini sa Mayor.

“Well, when it comes to SRP, Mayor Tom is a masteral or a doctorate to that, pero when it comes to projects we, with the other officials should be there,” saysay pa niini.

Giklaro hinuon sa kampo nilang Mayor Tomas ug Vice Mayor Rama ang mga pasangil nga hinungdan nga naangkon nila ang haros nga kadaogan tungod kay gipalabi nila ang mga senior citizens.

“We only demonstrate right conduct. Dili man ta tanan gusto nga kung kita matiguwang na, maglinya og taas kaayo, init pa gyud. We don’t want our senior citizens suffer,” matud pa ni Rama.

“Bisan pa ibalik nato pagpabotar ang mga tawo, mahibaw-an ra gihapon na. I even don’t like the system from the very start because it’s untested. They actually believe on their black propaganda that I was sick. And they even don’t manage well their own campaign, that’s what you call lack of management. – BANAT NEWS