CEBU, Philippines - Wala isalikway sa Commision on Elections (Comelec) ang posibilidad sa pag-oktaba sa eleksiyon karong Lunes, Mayo 10 gumikan sa pagka-abiriya sa gibana- banang 76 mil ka memory card sa Precinct Count Optical Scan (PCOS) machine atol sa gipahigayong dry run didto sa kaulohan.
Apan matud pa ni Comelec Provincial Supervisor Lionel Marco Castillano nga dili sa usa lamang ka pamilok sama sa kagustohan sa usa ka tawo nga ipakanaug dayon ang maong desisyon
Matud pa ni Castillano nga ubos sa balaod mahimong ma-postpone ang eleksiyon sulod sa 30 diyas kun adunay masugatang kakuli-an ang mga makina sa PCOS.
Apan gi-klaro niya nga bugtong ang Comelec en banc lang ang maka-desisyon kun angay bang i-postpone ang piniliay karong Lunes.
Midugang ni Castillano nga 30 porsiyento silang andam sa pagpahigayon sa mano- mano nga eleksiyon aron lang matuman ang eleksyon karong Lunes. – BANAT NEWS