20 mil mitungha sa Rock the Vote

CEBU, Philippines - Gibanabanang 20 mil ka mga tawo ang mihugop sa ‘Rock the Vote’ nga gipasiugdahan sa Liberal Party sa milabay’ng gabii sa Fuente Osmeña dakbayan sa Sugbu uban sa mga bangiitang banda sa nasud ug kandidato pagkasenador sa LP.

Sagad sa mitambong mao ang Yellow Army Movement ug Noy-Mar Volunteers ug kabataan. Matud pang Jovanni Kish Basilgo, tigpamaba sa Yellow Army Movement sa Banat News angayan nang manginlabot ang kabataan sa kaugmaon sa nasud.

“This activity is for young people to really protect their votes and to maintain the integrity of the 2010 elections,” matud pang Basilgo kinsa nagtuong mga intelihenteng botante ang mga Sugbuanon.

Malaumon ang grupo nga makakuha og paborableng botos ang LP gikan sa mga Sugbuanon.

 Samtang si Sen. Francisco "Kiko" Pangilinan ug Risa Honteveros uban sa duha ka pag-umangkon ni Sen. Benigno “Noynoy” Aquino III nga si Junty Aquino Cruz ug Miguel Aquino Abellada nga maoy nagpasiugda sa maong Rock the Vote Concert nagkanayon nga ilang gipaulahi ang Sugbu gumikan sa kadaghang supporters sa LP dinhi.

 Matud pa ni Cruz ug Abellada (mga pag-umankon ni Noynoy) ang konsiyerto usa kini ka mensahe ngadto sa mga kabataan sa dako na unyang kausaban sa nasud diin ang kabataan adunay dakong papel sa kalambuan niini. – BANAT NEWS