Cortes di motubay ni Ruiz

CEBU, Philippines - Gibutyag ni Mayor Jonas Cortes kagahapon nga dili siya motubay sa gihimo sa iyang kaatbang pagpanaptap sa ilang mga poster.

Matud pa ni Cortes nga ang gihimo sa mga tawo ni Kongresista Nerissa Soon Ruiz nga iyang kaatbang karon sa pagka-mayor usa ka matang sa kinaraang paagi sa pamolitika.

Alang kang Cortes nga gusto niyang dad-on ang taga Mandaue sa taas nga matang nga respito ug tinarong nga pangalagad ug dili binastos.

Sayo niini ginganlan og bastos ni kandidato pagka-Kongresista sa ikaunom nga distrito Ariston “Baludong” Cortes ang gihimo sa mga tawo ni Ruiz dihang ang iyang (Ariston) mga poster uban sa kang Mayor Cortes  (iyang igsoon) sa may MC Briones Street ug sa highway gipanapawan sa mga poster ni Ruiz. (BANATNEWS)