Politiko mipirma'g covenant
CEBU, Philippines - Ang mga politiko sa lungsod sa Carmen ug dakbayan sa Lapulapu nagpinirmahay lagahapon og peace covenant (PC) alang sa malampusong election sa Mayo 10.
Ang namirma sa PC sa Carmen mao ang kandidato pagka-mayor nga si Sonia Q. Pua , bise mayor Martin Gerard Villamor ug ang kanhi mayor nga si Amytis Batao.
Gawas kanila mipirma usab ang kura paruko sa lungsod nga si Padre Virgilio Y. Pedarno, Police Inspector Carlos C. Reyes Jr.,hepe sa kapolisan sa Carmen ug si election officer Patricia A. Sitoy.
Samtang sa dakbayan sa Lapulapu ang namirma sa ilang PC mao si kasamtangang Mayor Arturo Radaza kinsa mikandidato sa pagka-kongresista sa maong distrito, Paz Radaza nga kandidato pagka-Mayor sa maong dakbayan sa Lakas-Kampi-CMD party ug mga konsehal sa maong partido, Efrain Pelaez kandidato pagka-mayor sa maong dakbayan sa Liberal Party ug duha ka konsehal niini.
May mga kandidato pa sa maong dakbayan nga wala mamirma sa maong PC. (BANATNEWS)
- Latest
- Trending
