CEBU, Philippines - Ang limpyo nga panirbisyo sulod sa iyang dugay nang mga katuigangpagpamulis ug pagpatuman sa balaud maoy lig-ong makinarya ni Vice mayoralty Candidate Rico Palcuto sa iyang pagsalmot sa nagsingabot nga eleksyon isip independente nga kandidato.
Matud ni Dondon Ofquera, ang campaign manager ni Palcuto nga tarong ug sinsero nga panirbisyo lang gyud ang ikadalit ni Palcuto ngadto sa mga Sugboanon kun buligan ug modaug siya sa umaabot nga eleksyon tungod kay giangkon niya nga wala silay igong makinarya sama sa dakung kantidad sa salapi nga maoy gisaligan sa ubang mga politiko sa panahon sa eleksyon.
Dugang ni Ofquera nga miretiro si Palcuto sa katungdanan sa pagka opisyal sa kapulisan nga walay mansa bahin sakurapsyon, pagpangabuso ug uban pang kahiwi-an.
Dugang niini si Palcuto adunay dakung papel dihang gimugna kaniadto ang Social Intelligence Network Organization (SINO) sa 1984 hangtud 1986 nga maoymi -alkontra sa teroristang kalihukan ug uban pang matang sa kriminalidad didto sa Northern Mindanao.
Gani si Palcuto way hunong sa pagbalik- balik og pamahayag atol sa iyang mga pulong-pulong ang pagpatuman sa patas nga balaud nga way pagpinig o pabor -pabor sa higayon nga buligan siya ug makalingkod sa City Hall. – BANAT NEWS