Polis nag-ampo sa limpyong election

CEBU, Philippines - Ang kapolisan sa lungsod sa Minglanillanag-ampo ug nagpamisa uban sapanghinaut nga makabaton unta og honest and peaceful election karongMayo 10, 2010.

Si Chief Inspector Jovito Canlapan, hepe sa Minglanilla Police Station mibutyag sa Banat News kagahapon nga aduna sila’y kamanduan gikan sa provincial headquarter niadtong milabay’ng semana nga kinahanglang gahinan gyud nila og oras sa pag-ampo ang bahinsa umaabot nga eleksiyon alang sa kalampusan niini.

Matud ni Canlapan nga kagahapon sa buntag gikan sa alas 8:00-10:00 ug alas 10:00 ngadto sa alas 11:00 sa buntag nag-vigil sila ug sa mao gihapong adlaw gipahigayon ang Santos nga Misa didtosa Immaculate Heart of Mary Parish sa barangay Poblacion.

Gipasabot sa hepe nga imbes gabii sila mag-vigil gipahigayon na lang nila kini sa buntag aron dili mabalda ang ilang mga trabaho ug makatutuok sila sa ilang mga pag-ampo.

 Kabahin sa sitwasyon sa politika sa nahisgutang lungsod, si Canlapanmidugang nga base sa record sa kapolisan walay natalang kasamok sa Minglanilla sa mga milabay nga eleksiyon ug ang konseho karon sa maong lungsod pulos mga kaalyado.

Sa laing bahin, bisan og gipaubos sa watchlist sa Cebu Provincial Police Office (CPPO) ang dakbayan sa Naga ang officer-in-charge sa City of Naga, Police Station nga si Superintendent Henry Biñas nagkanayon nga ang maong dakbayan malinawon.

Midugang siya nga bisan kun bantayan man sa kapolisan ang eleksiyon sa Naga wala kini magpasabot nga adunay kagubot ug kaguliyang ang maong lugar.

Si Biñas nalipay nga temporaryong madugangan og polis ang Naga karong eleksiyon aron hingpitnga mapatunhay ang kalinaw sa adlaw sa piniliay.

Ang nahisgutang mga polis nga idestino sa Naga maggikan sa Special Action Unit (SAU).

 Kahinumdoman nga ang mga opisyal sa Naga nga gipangulohan ni Mayor Valdemar Chiong kusganong misupak sa pagpaubos sa dakbayan sa watchlist.

Si Chiong nabalaka nga magtuo ang katawhan sa ubang dapit nga gubot ang eleksiyon sa ilang siyudad. – BANAT NEWS