Radaza di mobiya ni Gibo

CEBU, Philippines - Si presidential candidate Gilberto”Gibo” Teodorodili mabiyaan niMayor Arturo Radaza sa dakbayan sa Lapulapubisan pa kun ang ubang kaalyado niya mitapon na ngadto sa laing partido.

Kini ang giklaro ni Mayor Radaza sa pakighinabi sa Banat News atol sa gipahigayong proclamation rally ni Gibo sa Lakas Kampi-CMD Party didto sa Lapulapu nga gitambungan sa mikabat sa 45 mil ka tawosa milabay’ng gabii.

Si Radaza kinsa kandidato sa pagka-kongresista sa nag-inusarang distrito sa dakbayan sa Lapulapu nagkanayon nga gumikan sa dakong tabang ug mihoras nga nakuha sa dakbayan sa Lapulapu gikan sa administrasyon ni Presidente Gloria Macapagal Arroyo kinsa maoy nagtuboy kangGibo, dili siya makabiya sa maong kandidato.

Dako og natabang si PGMA sa pagkahimong highly urbanized city sa dakbayan sa Lapulapu, pagka Lone District sa maong dakbayan, ug ang pagtugot nga ikapatuman angMactan North Reclamation Development Project (MNRDP).

Gumikan niini si Radaza nagkanayon nga ingrato ra kaayo siya nga mosupak sa gustong pasuportahan ni PGMAnga kandidato.

Ang pagbalhin sa iyang mga kauban ngadto sa laing partido ila kining kaugalingong hukom apan siyadako pa gihapon og respeto sapartido sa Lakas Kampi-CMD hinungdan nga siya magpabilin sa maong grupo.

Matud pa ni Radaza nga si Gibo ang labing kwalipikadong kandidato sa pagka- presidente gumikan sa maayong nahimo niini sa iyang distrito sa Tarlac nga gialagaran sulod sa pipila niya ka termino ug ang kalantip sa salabutan niini nga angayan kaayongmodumala sa nasud, maoy usa sa hinungdan nga nagpabilin siyang mosuporta kang Gibo, matud pa ni Radaza. – BANAT NEWS