CEBU, Philippines - Usa ka termino lang ang gipangayo ni vice mayoralty candidate Ret. Col. Rico Palcuto sa mga taga dakbayan sa Sugbo aron malimpyohan ug masumpo ang naghitak nga krimen.
Si Palcuto dihang nahinabi sa Banat News nagkanayon nga dili siya traditional politician, naaghat lang siyang magpapili tungod sa iyang nakitang grabeng pagsaka sa kriminalidad nga napasagdan lang ug wala mahatagi og prayoridad sa kasamtangang nangulo sa dakbayan.
Nanawagan si Palcuto ngadto sa publiko nga suportahan ug abagan ang iyang krusada paglimpyo sa siyudad aron mabalik ang kahapsay ug kalinaw aron sa ingon mobalik ang kompyansa sa mga molupyo sa dakbayan ingon man sa mga negosyante nga madasig pagbubo og puhonan dinhi. (BANATNEWS)