Nalibang igo sa bala

CEBU, Philippines - Usa ka 59-anyos ang naigo sa saag nga bala samtang nangasilyas sa kalibunan niadtong milabay’ng adlaw sa sitio Suton, barangay Pangdan dakbayan sa Naga pasado alas 8:30 sa gabii.

Ang biktima naila nga si Pablo Manabat, 59,lumolupyo sa maong lugar.

Matud pa ni PO2 Miguel Castañares sa Naga City Police Station nga ang biktima nangasilyas sa kalibunan dihang kalit nga may mipakang buto sa armas.

Nabatyagan nalang niining mihados ang iyang paa ug sa iyang pagtan-aw nagkadugo na kini.

Dali siyang gidala sa Don Vicente Sotto Memorial Medical Center (DVSMMC) ug diha masutang naigo kini og bala. Ang kapolisan wala pa masayod kun si kinsa ang nagpabuto og armas niadtong tungura ug kun gituyo ba hinuon ang pagpusil kang Manabat. – BANAT NEWS