CEBU, Philippines - Nagtingkagol karon sa karsel ang usa ka market liaison officer human kini giingong nanglugos sa makadaghan higayon sa anak sa iyang kauban sa trabaho sulod sa Market Operation Division sa Cebu City Hall. Ang biktima nag-edad og 9-anyos ug anak sa kauban ni Archie Carurot, 47, molupyo sa Lim Kaking Subdivision, Banawa, barangay Guadalupe.Sa pakighinabi sa mga tigbalita sa hepe sa Waterfront Police Station nga si Chief Inspector Aureo Sanchez mibutyag base sa iyang pakighinabi sa ilang Women's Desk nga nakadawat sila og taho gikan sa nahisgutang buhatan ug mibutyag nga aduna silay gi-hold nga trabahante tungod kay nanglugos og bata.Tungod niini, ang Miscellaneous Team nga gipangulohan ni SPO2 Vicente Espinido misikop sa suspetsado ug gidala sa ilang buhatan.Matud pa ni Sanchez nga base sa ilang imbestigasyon nga kalit lang migawas ang bata sa lawak sa suspetsado ug naghilak na kini nga maoy gikatingala sa ubang trabahante sa maong buhatan ug gani mireklamo na kini nga aduna nay dugo ang iyang panty.Midugang si Sanchez nga dili lang karon nahilabtan ang bata. Mibutyag kini nga wala siya misumbong sa iyang ginikanan tungod kay nahadlok siya nga dili tuohan.
Nasayran nga ang bata ibilin sa inahan sa kauban apan ang suspetsado maoy magsige og hangop-hangop niini ug nasayran usab nga tulo na kini ka tuig nga ang suspetsado ug ang bata maghagwa-hagwa.Sa bahin usab sa suspetsado mitug-an kini sa mga tigbalita nga aksidente lang nga nahikapan niya ang pribadong parte sa bata ug gani wala siya magdahom nga hatagan diay kadto og malisya sa bata.Midugang si Carurot nga natingala na lang siya nga gipasanginlan siya nga iyang gipahimuslan ang bata ug gani gisagpa pa siya sa ilang Market Administrator nga si Raquel Arce. (BANATNEWS)