Gibo gihataga'g hero's welcome

CEBU, Philippines - Gisugat sama sa usa ka bayani ang kandidato sa Lakas-Kampi-CMD nga si Gibo Teodoro sa dihang nibisita siya sa iyang yutang natawhan. Daw sa dili matukib ang kalipay sa mga tawo nga niabiba kang Gibo sa dihang iyang gibisita ang siyudad mismo sa Tarlac ug pipila sa mga munisipalidad niini sama sa Sta. Ignacio, Camiling ug Paniqui.

Liboan ka mga Tarlacenos ang naghuot sa mga merkado, mga eskuwelahan ug uban pang mga lugar nga gibisitahan ni Gibo, samtang daghan usab ang nag-atang sa mga kadalanan nga giagian niini. Nag-ulan og mga green confetti samtang padayon ang makabungog nga abiba sa mga katawhan kang Gibo. Daghan sa iyang mga kababayans ang kahilakon nga nakiglamano samtang ang uban daw sa dili makahulat nga maminaw sa iyang isulti.

“The visit to Tarlac is very emotional for me”, matod pa ni Gibo ngadto sa mga Tarlacenos sa ilang pinulongan. “This is the last time that I will be able to serve you officially in whatever capacity.”

Dugang pa ni Gibo nga bisan og muadto siya sa laing probinsiya aron sa pagkampanya, kampanti gihapon siya nga ang mga Tarlacenos musuporta kaniya ug mokampanya pa gani alang kaniya ug sa iyang running mate nga si Edu Manzano.

Sa iyang pagpakighinabi sa mga tawo, si Gibo nipahinumdum nga panahon na karon nga ipakita sa Tarlacenos sa tibuok nasud nga sila gusto sa limpyo nga piniliay ug nga sila independent thinkers. “Kailangan natin ng independent thinking, sipag, talino, at galing ng sarili. ‘Wag nating i-asa sa makalumang politika,” matod pa ni Gibo. “Ako’y malayang-malaya mag-isip ng tama, ‘yong nasa tingin kong tama, at ganyan din dapat ang mga Tarlacenos.”

“Ang Tarlac ay 100% sumusuporta kay Gibo, kaya hindi ako naniniwala sa mga sinasabi sa surveys. Mahal na mahal siya ng Tarlacenos kasi maganda ang pinakita niyang panunungkulan, makatao, malinis ang track record at siya ang tunay na makamasa”, matod pa ni kanhi House Representative sa unang distrito sa probinsiya sa Tarlac, Gob. Bogs Aganon. Sa Metro Manila usab, nahimong berde ang lugar sa dihang liboan usab ka mga supporters ni Gibo naglinya sa mga agianan alang sa paglunsad sa Green Day.   Ang kinadayagan sa among kalihukan mao ang pagpirma ni Gibo ug sa iyang running mate nga si Edu Manzano uban sa ilang unom ka mga kandidato pagkasenador sa “Green Covenant”.

Sa maong kasabotan nisaad sila nga ilang ipatuman ang pro-poor policies, sigurohan nga ang gobyerno andam kanunay nga motubag sa panginahanglan sa nasud, mapadayunong paglambo sa economics, malahutayong kalikupan, paglaum sa hayag nga kaugmaon ug gugma sa nasud ug isigkatawo.  – BANAT NEWS