CEBU, Philippines - Samdan sa lubot ug hawak ang duha ka lalaki dihang gipamusil kini sa wala hiilhing mga kriminal didto sa sitio Magtalisay, barangay San Fernando, Cebu sa miaging adlaw.
Ang duha ka biktima mao sila si Jayson Fritz Aguanta, 24, ug Jessie Sasuman, 25, pulos ulitawo, nga taga San Fernando.
Sumala sa kapolisan nga gikan nga nanisko ang duha sa ilang silingang barangay dihang samtang nanglakaw sila sa dalan pauli na unta sa ilang balay, giatangan sila sa usa ka grupo sa mga tawong wala nila hiilhi.
Unya sa walay igong hinungdan mipauwan dayon og mga bala kanila.
Samtang mikaratel og panagan ang duha, nasabak gyud sa usa ka bala ang lubot ni Aguanta, samtang si Sasuman naigo usab sa hawak.
Gihatod dayon ang mga biktima ngadto sa Vicente Sotto Memorial Medical Center sa dakbayan sa Sugbo, samtang ang mga kriminal gipangita pa sa kapolisan human kini manibat. – BANAT NEWS