Pagkuha og dugang kawani gikwestiyon

CEBU, Philippines - Nabalaka si Mandaue City Vice Mayor Carlo Fortuna kun asa og pundo nga i-sweldo ang siyudad sa mga bag-ong kawani nga gipatrabaho ni Mayor Jonas Cortes nga mao unya’y hinungdan nga makapagan sa mga regular nga kawani sa siyudad nga madelatar ang pag-release sa regular nga suholan.

 Gibutyag ni Fortuna nga pagkakaron duna lay moabot 2,300 ka mga kaswal ug Job Order employees ang dakbayan nga may gahing pundo.

Matud pang Fortuna wala pay payroll ang maong mga bag-ong gikuhang kawani apan si Atty. Francisco Amit, legal consultant ni Cortes atol sa interview sa Bantay Radyo miingon nga pinasubay sa hustong lagda ang pagpang-hire sa bag-ong kawani karong tuiga ug duna kini gahin alang sa suhulan.

Matud pa ni Amit moabot lang og 2,000 ka J.O. employee ang gi-hire sa mayor karung tuiga. - BANAT NEWS