Alayon di mo-junk

CEBU, Philippines - Ang grupo sa Alayon-Nacionalista Party o grupo sa administrasyon sa dakbayan sa Talisay gihimong tabi-tabi nga may mga miyembro niining i-junk sa ilang kaalyadobusa adto na kini modapig sa oposisyon sa kataposang adlaw sa kampaniya sa eleksiyon sa Mayo 10.

Apan si Talisay City Administrator ug campaign manager sa administrasyon Richel Bacaltos sa pakighinabi niini sa Banat News kagahapon nagkanayon nga ang giingong “junking” o dunay sakop sa administrasyon nga mo “junk” sa ilang kaubandili usa ka isyu alang kanila.

Matud ni Bacaltos nga isip campaign manager sa administrasyon alang kaniya ang maong tabi-tabi gipakatap lamang sa kaatbang sa administrasyon aron maguba ang Alayon Party.

Gitataw niini nga sa ilang pagsuroy-suroy sa nagkadaiyanglugar sa siyudad, matag sakop sa grupo walay leafletnga wala molista sa tanang sakop saslate.

Ang matag sakop sa grupo bukas sa usa'g-usa ug dili usab sila pweding mohimo og kaugalingong lakang o mangampanya nga mag-inusara.

Kun mahitabo nga maysakop sa administrasyon nga mangampanya nga mag-inusarakinahanglang aduna kini pagtugot sa grupo.

Sa laing bahin, si Bacaltos mibutyag nga sukad sa pagsugod sa kampanya, si konsehal Shirley Belleza wala gyudmakakuyog sa grupo sa administrasyon.

Kahinumdoman nga si Bellezagidudahan sa administrasyon nga tua na gyud modapig sa oposisyon bisan pa sa pagpadayag niini nga ang iyang bana lang nga si kanhi Bise Mayor Aberdovey Belleza ang iyang gisuportahan. – BANAT NEWS