Talisay maghigpit sa motukod og building

CEBU, Philippines - Human sa pagkahunlak sa firewall sa edipisyo sa usa ka dakong tindahan nga gipatukod diha sa dalan F. Llamas, barangay Tisa, dakbayan sa Sugbo diin lima ka tawo ang namatay sa maong insidente ang kagamhanan sa dakbayan sa Talisay nabalaka ug mipahimangno ngadto sa mga sakop sa Special Local Economic Zone Board (SLEZB).

Ang SLEZB gilangkuban kini sa mga taga City Engineering Office ug Office of the Building Official (OBO).

Si zoning administrator nga si Richel Bacaltos kinsa nahinabi sa Banat News nagkanayonnga ilaha karong gipahigpitan ang inspection sa mga edipisyong gipangtukod ug ipatukod pa lamang sa Talisay sa kabalakang mahitabo unya sa dakbayan sa Talisay ang nahitabo sa barangay Tisa.

Ang nahisgutang board natukod niining bag-o lang human nga ang South Road Property (SRP) nahimo na kining economic ug ang tanang mga motukod og edipisyo diha sa lugar moagi una kini sa SLEZB.

Si Bacaltos ang mipahimangno usab ngadto sa mga contractor nga mosubay lang sa building code alang sa mga ipatukod nga edipisyo aron walay disgrasyang mahitabo.

Hinuon matud niini nga base sa ilang record wala pay nahitabong insidente sama sa nahitabo sa barangay Tisa diha sa dakbayan sa Talisay. – BANAT NEWS