Walay lokal LP nga mibali

CEBU, Philippines - Giklaro ni Liberal Party gubernatorial candidate kanhi Cebu City Councilor Hilario ‘Junjun’ Davide III nga walay mibali sa ilang partido dinhi ngadto kang Nacionalista Party presidential Candidate Sen. Manny Villar.

Kini dili sama sa nahitabo sa kampo sa One Cebu Party nga gipangulohan ni Gob. Gwendolyn Garcia nga gikatahong may mga sakop niining buot mobiya ni administration standard bearer Gilbert ‘Gibo’ Teodoro susama sa gihimo ni 6th District Kong. Nerissa Soon-Ruiz nga mibalhin og suporta kang Villar.

Masaligon si Davide nga dili madani og kwartang gitanyag sa mga kaatbang ang iyang mga kaubanan kay nagtinguha silang mausab ang sistema sa pangagamhanan nga napuno sa kontrobersiya ug kurapsyon.

Masaligon si Davide nga bisan og gamay ang pundo sa iyang partido makasugakod sila sa mga gastos sa kampanya dinhi sa Sugbu. - BANAT NEWS