'Boksidor' namaak

CEBU, Philippines - Usa ka 36-anyos nga lalaki ang misumbong sa Talisay City Police Station human kitkita sa usa ka giingong kanhi boksingerong iyang gikasinukmagay tungod sa panaglalis sa trapiko diha sa sitio Campo 2, barangay Jaclupan, dakbayan sa Talisay.

Ang nakitkitan sa walang dughan ug tuong kumagko sa kamot mao si Roberto Empuerto, residente sa sitio Campo 3 sa nahisgutang barangay samtang gitumbok nga mikitkit kaniya mao si Arnulfo Lurmando, taga sitio Campo 3 ug giingong kanhi boksingero.

Base sa imbestigasyon ni SPO1 Oliver Dacua duty desk officer sa Talisay City Police Station nga ang duha nagkalalis tungod sa nahitabong insidente sa trapiko diha sa lugar.

Ang duha walay labot sa maong insidente igo lang unta silang mitabang apan sila na hinuoy nagkalalis ug misangpot sa pagsukmag ni Lurmando kang Empuerto nga miresulta na hinuon sa ilang panag-boksing.

Apan ang kanhi boksingero giingong nalupigan ni Empuerto sa binayloay og kumo hinungdan namaak nalang kini aron makabawos. – BANAT NEWS