Gipinuti sa silingang hubog samdan

CEBU, Philippines - Samaron ang usa ka tawo human kini ligira og tigbas sa pinuti sa iyang silingang hubog didto sa sitio Campo, barangay Guadalupe, syudad sa Carcar sa miaging gabii.

Ang biktima mao si Ryan Sidlakan, 24, nga taga Campo, samtang ang suspetsado mao usab si Jeffrey Rodriguez, 26, silingan sa biktima.

Nasayran sa kapolisan nga hubog ang suspetsado nga nagdala og pinuti ug dihang nakita niya ang biktima, wala’y kukaluoy nga gilapdusan kini sa iyang pinuti.

Ang biktima nga samdan sa dughan ug tiyan daling gihatod ngadto sa Carcar District Hospital.

Samtang ang suspetsado kinsa nasikop dayon sa mga barangay tanod human sa maong hitabo nagkagulkol na karon sa prisohan sa kapolisan sa Carcar. - Lesley Caminade (BANAT NEWS)