CEBU, Philippines - Si Liberal Party Director General Chito Gascon nanawagan sa kandidato sa Nacionalista Party nga si Senador Manuel “Manny” Villar ug kang kanhi Executive Secretary Eduardo Ermita nga ipadayag sa publiko kung unsay ilahang giestoryahan sa gipahigayong meeting sa milabay'ng buwan.
Si Gascon nagkanayon nga ang Liberal Party naalarma sa mikatap nga SMS messages sa giingong plano sa pagpeke sa mga balota sa Autonomous Region for Muslim Mindanao.
Ang maong lugar giingong gi-dominar sa administrasyon ug gihulagway nga ang eleksiyon niadtong tuig 2004 ug 2007 mga kwestiyonable.
“Laging sinasabi ni Villaroyo (bansag sa LP kang Villar) na “never” siyang nakipagkita kay Madam Gloria o kaninuman sa administrasyon, kase OPO-sisyon daw siya,” matud pa ni Gascon.
“Kaya ang tanong namin ngayon sa kanya at kay Sec. Ermita-totoo ba na nagpulong sila nitong Pebrero? At sa usapan bang iyan, kasama ba ang kanilang mga plano sa darating na halalan?,” pangutana pa ni Gascon.
Gibutyag ni Gascon nga niining ulahi nakadawat siya og mga SMS messages nga nagkanayon “Manny Villar met with Eduardo Ermita last month at UCC Corinthian Hills QC to finalize the plan to forge 4M ballots in ARMM. Jess Dureza will oversee the operations to give Villar a landslide victory in ARMM just like GMA’s sweep in 2004 and Team Unity’s victory in 2007. Pls pass the people will know.”
Si Ermita kinsa mikandidato karon pagka-kongresista sa Batangas miluwat sa iyang katungdanan isip Executive Secretary niadtong Pebrero 25 human nga ang Supreme Court mi-rule sa appointive officials kinsa mokandidato nga mo-resign sa ilang katungdanan.
Si Jesus “Jess” Dureza maoy presidential adviser ngadto sa Mindanao ug karon maoy chairman sa bag-ong natukod nga Mindanao Development Authority.“Kung gusto lang naming manira lang, ipapakalat lang namin nang ipapakalat ang mga text na ito. Pero nais naming malaman ang katotohanan, kaya dapat sagutin ni Villaroyo ang alegasyon,” awhag pa ni Gascon. – BANAT NEWS