2 ka balay naugdaw, retired polis angol

CEBU, Philippines - Dul-an tunga sa milyon ang danyos sa nahitabong sunog kagahapon sa kaadlawon sa Purok 8 barangay Camputhaw pasado alas-dos sa kaadlawon samtang samdan usab ang tagbalay nga usa ka retiradong polis.

Ang nasamdan giila nga si Francisco Lao, kinsa nakaangkon og 2nd degree burn sa nagkadaiyang parte sa iyang lawas ug nalandig sa Cebu City Medical Center.

Sa pakighinabi sa Banat News ni SFO1 Nick Ouano, fire investigator nagkanayon nga giisa sa 2nd alarm ang maong sunog nga milamoy sa duha ka panimalay nga gipanag-iya ni Lao ug usa ka Rina Seares samtang partially burned usab ang panimalay ni Nene Sombe nga pulos ginama sa mixed materials.

Gikatahong nagsugod ang kalayo sa kwarto ni Lao sa ikaduhang andana maong napaso ang biktima samtang misuway og pawong niini apan wala pa masuta kun unsay sinugdanan niini. - Lesley Caminade (BANAT NEWS)