Belleza giinitan sa mga kauban

CEBU, Philippines - Human sa migawas nga isyu bahin sa giingong pagbalitokni Konsehal Shirley Belleza ngadto sa oposisyon sa dakbayan sa Talisay giinitan na kuno siya karonsa iyang mga kauban sa konseho.

Kini human ipasar atol sa sesyon sa konseho sa dakbayan niadtongMartes ang mosyon ni konsehal Arturo Bas nga nagpaluwat sa mga sakop sa konsehogikan sa ilang pagka-tsirmansa komitiba.

Si Belleza sa pakighinabi niini sa Banat News kagahapon nagkanayon nga siya maoy tumong sa maong kalihukan sa iyang mga kauban tungod kay buot na siyang kuhaan sa iyang komitiba sa pagduda nga siya tua na gyud modapig sa oposisyon.

Kahinumdoman nga si Belleza maoy chairman sa tulo ka komitiba nga mao ang Women, Children and Family, Health ug Heritage, History and Cultural Affair.

Matud sa konsehala nga gitaktak na gyud siya sa grupo apan nagpabilin gihapon ang iyang suporta ngadto kang Kongresista Eduardo Gullas ug Mayor Socrates Fernandez.

Sa umaabot nga piniliaymopili lang usab siya sa mga konsehal nga iyang suportahan.

Gibutyag ni Belleza nga dili gayud siya makatalikod sa iyang bana nga si kanhi bise mayor Aberdovey “Aber” Belleza kinsa nagpapili gihapon karon sa maong posisyon ubos sa Liberal Party.

Gumikan sa kapungot niAber Belleza iyang gipahungaw ngadto sa Banat News ang matud pa niya sobra nga pamolitika sa mga nagdumala karon sa siyudad sa Talisay.

Si Bas sa iyang bahin, mibutyagsa Banat News wala nila itumong ang iyang mosyon ngadto lang kang konsehal Belleza tungod kay alang man kini sa tanang konsehal

Apan sa bahin ni konsehal Belleza kini nanumpa nga bisa’g unsay mahitabo dili niya huboon ang iyang pagka-tsirmansa mga komitiba nga iyang giatiman. - Brenda D. Batuto (BANAT NEWS)