PNP nag-feeding program

CEBU, Philippines - Mikabatsa 2,500 ka mga bata nga nagtungha sa elementarya ang nakakaon sa gipahigayong feeding program sa Womens and Childrens Protection Desk ( WCPD )sa kapolisandidto sa Isla sa Olango sakop sa dakbayan sa Lapulapu sa miaging adlaw.

Si SPO1 Rodito Viovicente sa Police Community Relations officer sa kapolisan sa Lapulapu nagkanayon nga ang maong kalihukan gitumong aron paghatag og kahalandumon sa kasaulogan sa Womens and Childrens month diin angmga tinun-an sa Candagsao Elementary School,sakop sa BarangayTalima, Isla sa Olangomaoy ilang gipakaon.

Ang hepe sa WCPD nga si P/Insp. Mia Rose Gorgonio maoy nangunay sa pagdumala sa maong kalihukan uban sa mga sakop saPolice Community Relationssa kapolisan sa dakbayan sa Lapulapu.

Gikalipay usab sa tagdumala sa maong tunghaan kay napahimuslan sa ilang mga tinun-an angmaong programa sa kapolisan.

Samtang si Lapulapu City Police Office Director P/Supt. Mariano Natu-el Jr. mihangop usab sa gihimong kalihukan sa iyang mga sakop sa WCPD gumikan kay usa kini sa mga lakang sa PNP nga maduol ang kapolisan sa komunidad aron labing mosalig angkatawhan ngadto sa kapolisan.

Matud pa niNatu-el nga sa maong paagi gipakita usab sa kapolisan ang pagpakabana niini sa panglawas sa mga kabataan kay dili lamang sila kutob sa pagsumpo sa krimen kundi higala usab sa tanang molupyo sa maong dapit. - Bong Soriano (BANAT NEWS)