'Wa ko moduso ni Erap'
CEBU, Philippines - Giklaro ni congressional aspirant Jonathan "Atan" Guardo sa habagatang distrito sa dakbayan sa Sugbo nga ang oposisyon sa Sugbo wala pay klarong suportahan nga kandidato pagka-presidente, apan nagplanong modala kang Nacionalista party standard bearer Manny Villar.
Giklaro niini nga wala sila mosuporta sa kandidatura ni Joseph Estrada.
Si Guardo mipasabot nga si Estrada "endorser" lamang sa iyang produkto ug walay laing kasabutan sa politika.
"Erap Estrada is my endorser, but as a candidate I've never endorsed him. Nalibog bitaw ko kay like Kris Aquino is my endorser unya iyang brother (Noynoy) is also a presidential candidate," pasabot ni Guardo. "As far as the city is concerned wala pa mi klarong affiliation, so, we can welcome anybody," dugang pa niya.
Matud ni Guardo nga wala sila modangop ni Gilbert Teodoro diin si Gwendolyn Garcia ang ig-agaw ni Alvin Garcia atua man magsuporta niini.
Iyang gitataw nga sa dili pa magsugod ang kampanya sa lokal nga mga kandidato karong Marso 26, aduna na sila'y klarong affiliation sa mga nasyonal nga partido. – BANAT NEWS
- Latest
- Trending
