Mananagat miprotesta batok exploration

CEBU, Philippines - Subling milusad og protesta ang mga mananagat gikan sa lungsod sa Borbon pagpadayag sa ilang hugot nga pagsupak sa oil exploration nga ipahigayon sa kadagatan sa amihanang Sugbu.

Ang mga mananagat gikan sa Borbon nagtapok sa Fuente Osmeña rotonda kagahapon sa buntag ug pagkahuman nagmartsa paingon sa buhatan sa Department of Energy (DOE)-7 apan napakyas ang mga mananagat nga sakop sa Borbon Alliance Fisherfolks Association (BAFA) aron pakigkita kang DOE regional director Antonio Labios.

Si Labios mikuyog ni DOE secretary Angelo Reyes sa dakbayan sa Toledo diin si Presidente Gloria Macapagal Arroyo maoy misubo sa bag-ong planta sa kuryente sa Cebu Development Corporation.

Buot unta nilang ipadayag kang Labios ang ilang hugot nga pagsupak sa gilaraw nga oil exploration tungod sa kabalakang makaapektar kini sa ilang panginabuhian sa dagat. - Rey Pasaporte (BANAT NEWS)