Relasyon sa gobyerno ug pribado palambuon

CEBU, Philippines - Gitinguha ni magpapatigayon Glenn Anthony Soco nga mapalig-on ang maayong relasyon tali sa pribadong sektor ingon man sa probinsya sa Sugbo.

Si Soco nga magpapili karon pagka-bise gobernador miingon nga usa kini sa iyang nakita nga kinahanglan gayud palapdan pagsiguro nga makab-ot ang kalambuan sa lalawigan.

Matud pa ni Soco nga ang papel sa bise gobernador dili lang sa pagdumala sa sesyon sa hunta probinsyal.

Nakita ni Soco nga angayan usab kining maningkamot aron nga ang pribadong sektor manginlabot sa mga kalihukan sa probinsya.

Gipasabot si Soco nga importante gayud kaayo nga malakip ang representante sa pribadong sektor sa pagpahan-ay og mga programa nga gikinahanglan alang sa kalambuan sa kadaghanan nga mulopyo.

Nagkanayon si Soco nga iyang nakita nga ilambigit sa paghan-ay sa Provincial Development Plan ang mga non-government organization, people's organization, mga kahugpongan sa mga negosyante ingon man private sector organization. (Pepe Sollano)   (BANATNEWS)