Shipping lines gukoron gyud sa DDB - Oaminal

CEBU, Philippines - Opisyal sa Dangerous Drug Board mipadayag sa iyang suporta sa Philippine Drug Enforcement Agency (PDEA) sa gihimo niining lakang batok sa mga opisyalis sa Maersk Filipinas.

Ang Maersk Filipinas nakuhaan niadtong Disyembre 11, 2009 ug gibanabana 16 kilos nga cocaine sulod sa compound sa maong shipping lines, sumala pa sa pamahayag sa DDB nga gipadala sa Banat News.

Si DDB Undersecretary Clarence Paul Oaminal mimando sa mga awtoridad sa pagpahigayon og halawom imbestigasyon aron kapasakaan og kaso ang nalambigit sa pagpayuhot sa cocaine, ug i-apil ang Maersk kun mapamatud-an sa imbestigasyon ang kalambigitan niini. Si Oaminal nakig-estorya na sa Bureau of Customs ug sa Philippine National Police aron mahibaw-an ang mga lakang sa DDB ug PDEA batok sa mga nagpayuhot og ginadili ug regulated nga drugas dinhi sa nasud. “Since there was a crime committed it would be impossible that no one will be liable for importing the drugs. No one is above the law,” pasabot pa ni Oaminal. Mopahigayon og special meeting si Oaminal sa kadagkoan sa Department of Justice, PNP ug PDEA aron tukion ang kalamboan sa imbestigasyon batok sa Maersk. – BANAT NEWS