P300 mil nga alahas nasakiyo sa katabang

CEBU, Philippines - Mokabat sa P300 mil nga gidaghanon sa mga alahas ang nahanaw gikan sa usa ka ginang nga gituohang giunay sa pagsakiyo sa iyang katabang sa barangay Babag II, dakbayan sa Lapulapu niadtong miaging adlaw.

Ang biktima mao si Cerila Tancinco, 31, nagpuyo sa nahisgotang dapit ug ang katabang giila nga usa ka Rosa Legaspi nga lumad nga taga Tabogon, Cebu.

Si PO3 Joseph Damasco nga nahinabi sa Banat News miingon nga gibati og katingala si Tancinco nga wala na mahiuli sa ilang panimalay ang iyang katabang nga si Legaspi.

Sa dihang gisusi ni Tancinco ang mga butang, iyang nadiskubrehan ang pagkahanaw sa iyang mga alahas, mga sapot ug mga pahumot.

Si PO3 Damasco nagkanayon nga gisuhid na karon ang nahimutangan ni Legaspi aron mapangutana kalabot sa nahanaw’ng mga alahas ni Tancinco.  – BANAT NEWS