Ginang 'punggit sa trak

CEBU, Philippines - Patay nang nadangat sa tambalanan ang usa ka ginang human maligsi og sakyanan diha sa Poblacion lungsod sa Carmen niadtong Martes sa alas 7:30 sa gabii. Ang namatay mao si Nenita Gaeranon, 57, molupyo sa nahisgutang lugar samtang ang drayber sa drop side Isuzu truck mao si Doroteo Alburo Jr., 39, taga barangay Liki lungsod sa Sogod.

Matud pa ni PO1 Abelardo Biton sa Carmen Police dihang nahinabi sa Banat News kalit milabang sa dalan ang biktima atol sa pag-agi sa maong trak maong naligsan kini.

Gitabang ug gihatud sa Danao District Hospital ang biktima apan gideklarar sa mga doktor nga dead on arrival tungod sa nasinati sa kadaot sa ulo ug mga bun-og ug pangos sa kalawasan. - BANAT NEWS