Child sexual abuse week gideklarar

CEBU, Philippines - Gideklarar sa Department of Social Welfare and Development (DSWD)7 karong semanaha nga Child Sexual Abuse Week.

Uban sa tema nga “Palaganapin ang Pansariling Kaligtasan Laban sa Pang-aabusong Sexual sa mga Bata”, edukahon ang mga kabataan kun unsay lintunganay sa child sexual abuse ug exploitation.

Ang DSWD dinhi sa Sugbo miduyog ning maong programa aron tudloan ang publiko sa pagtahod sa katungod sa mga bata.

Nasayran sa DSWD ang pagsaka sa mga kaso nga may labot sa pangabuso sa katungod ug bisan sa dungog sa kabataan.

Gumikan ning maong suliran nakahukom ang kagamhanan nga ipalakip sa curriculum sa mga tunghaang elementarya ang bahin sa child abuse aron hisayran sa mga kabataan kun unsa kining pangabuso batok sa ilang dungog ug sa ilang katungod, ug sa ingon makakat-on sila sa paglikay niini. Awhagon usab sa DSWD ang mga opisyal sa lokal nga kagamhanan nga pasuportahan ang kampanya batok sa pangabuso sa kabataan. – BANAT NEWS