PCAS 7 maoy airport station of the year

CEBU, Philippines - Ang Police Center for Aviation Security (PCAS)7 sa Mactan Cebu International Airport maoy napiling Airport Station of the Year 2009.

Si Chief P/S Supt. Joselito F. Salido, hepe sa PCAS 7 nagkanayon nga usa sa nakahatag og tampo sa maong award mao ang pagsakmit nila sa tulo ka armas de fuego nga gisulod sa usa ka tangke sa gasolina sa usa ka motorsiklo nga buot untang ipalusot ngadto sa kaulohan apan nabaraw kini dihang nasil-ingan sa X-Ray machine diha sa airpot niadtong Enero 13, ning tuiga.

Si Salido nga maoy midawat sa maong award mapasalamaton usab sa iyang mga sakop gumikan sa kaabtik ug pagkamabinantayon sa ilang trabaho diha sa tugpahanan. – BANAT NEWS