CEBU, Philippines - Nalubaan og icepick human kulataha nga gigamitan og patsikurno ang usa ka ulitawo dihang nasakpan kini sa managsuon niyang kontra didto sa sitio Cantecson, barangay Gairan, dakbayan sa Bogo niadtong Biyernes sa gabii.
Samtang ang suspetsado mao ang managsuong Alejandro Yaun Buhawe, 21, ulitawo ug ang manghod niyang 16-anyos nga pulos taga Pedro Compound, Gairan, Bogo.
Nasayran gikan sa kapolisan nga dugay nang nagkabangi ang biktima ug ang mga suspetsado ug nataymingan nga nagkaabot sila didto sa Cantecson, hinungdan nga gibirahan dayon ni Alejandro sa iyang patsikurno ang nawong ug lawas sa biktima, ug dihang nasarasay kini gisawo usab sa manghod ni Alejandro og ice pick ang tiyan sa biktima dayong panagan pahilayo gikan sa maong lugar.
Ang biktima nga talandugon ang kahimtang gihatod dayon sa mga estambay ngadto sa tambalanan samtang ang mga suspetsado mitahan ra usab dayon sa ilang kaugalingon ngadto sa kapolisan ug nagkagulkol na karon sa prisohan sa Bogo. – BANAT NEWS