Masahista kinahanglang may pink card

CEBU, Philippines - Isipon lamang nga legal ang mga nagtrabaho isip masahista sa dakbayan sa Mandaue kun makalukat kini og pink health card nga ilang ipresentar ngadto sa ilang customer nga lalaki o babaye nga magpamasahe.

Mao kini ang labing gikinahanglan karon sa mga masahista sa maong dakbayan segun sa nauyonan sa mga sakop sa Mandaue Multi-Sectoral Aids Council.

Gawas sa mga masahista, pangayoan usab og health card kadtong nanagtrabaho sa mga kan-anan ug uban pang baligya nga may labot sa pagkaon sa tawo.

Ang trabahanteng tighikay og pagkaon ug tigsilbi niini sa mga restaurant puti nga health card ang iluwat kanila, green card sa mga nga non-food handlers ug ang pink card ang sa masahista.

Unya kadtong mga nagtrabaho sa clinic isip attendant therapist kinahanglang makaagi gyud og pagbansay ug aduna usay health certificate. - Romeo T. Limpangog