CEBU, Philippines - Gidudahang kawatan og manok hiniktan ang grabeng naangol human gipusil alas 12 pasado ang takna sa miaging tungang gabii sa sitio Sambag, barangay Canjulao, dakbayan sa Lapulapu.
Si SPO3 Rex Ybañez sa homicide section sa kapolisan sa maong dakbayan miila sa napusilan nga si Alfredo Samson Aro, 22, walay trabaho ug nagpuyo sa maong dapit.
Giila ni SPO3 Ybañez ang nagpusil kang Aro nga mao si Anton Tampus, nagpuyo usab sa maong dapit nga maoy tag-iya sa mga manok hiniktan nga gibutang sa sulod sa tangkal.
Matud pa ni Ybañez nga nasigpatan ni Tampus si Aro nga nagbarog sa ngitngit nga bahin duol sa tangkal sa mga manok ug giduol kini dayong dabo-dabo og kulata, wala pa matagbaw ang suspek gipusil niya kini sa kalibre 38 nga gihuptan sa paa.
Ang suspetsado dali usab nga nakasibat pahilayo samtang ang biktima nga unang gihatod sa Lapulapu District Hospital alang sa pasiunang pagtambal. - Romeo Limpangog (BANAT NEWS)