BOC alerto batok jamming device

CEBU, Philippines - Bureau of Customs lukop nasud gialerto na sa pagpalusot sa 5 mil ka mga Jamming Equipments dinhi sa nasud sumala pa ni Enforcement and Security Services (ESS) Cebu Custom Police District Commander Captain Jerry Arizabal atol sa pakighinabi sa Banat News.

Matud pa ni Arizabal human nadawat sa ilang labaw nga si Ret. Gen. Nestorio Gualberto ang taho nga nia na sa nasud ang gibanabanang 5 mil ka mga units sa cellphone jammers ug uban pang jamming devices nga gikabalak-ang gamiton sa pagsabotahe sa transmittal unya sa signal sa automated poll sa resulta.

Mipasabot hinuon si Arizabal nga mahimong legal lamang ang maong kargamento o ekipo kun makakuha og clearance ang usa ka importer gikan sa National Telecommunications Commission kon (NTC) sa dili pa kini dad-on dinhi sa nasud. - Bong Soriano (BANAT NEWS)