Healing Priest maoy momisa sa Basilica
CEBU, Philippines - Ang inilang healing priest nga si Father Fernando Suarez maoy main celebrant sa healing mass nga ipahigayon sa Basilica del Sto. Niño ugma, Pebrero 10, alas 5:30 sa hapon alang sa umaabot nga kapistahan sa “Ang Pagkanaug sa Birhen sa Lourdes” sa mosunod nga adlaw.
Si Dr. Jose “Dodong” R. Gullas maoy nag-imbitar kang Fr. Suarez nga gitugutan usab ni Archbishop Ricardo Cardinal Vidal ug sa mga kaparian sa Basilica.
“Ang Pagkanaug” maoy taud-taud na nga kalihukang gipasiugdahan sa mga apohan ni Dodong Gullas nga sila si Don Juan Rivera ug Doña Andrea Villariza Rivera.
Human sa “Ang Pagkanaug,” si Fr. Suarez mopahigayon dayon sa mass healing pray-over alang niadtong may mga gipamati sa lawas ug mga tawong naka- wheelchair, kadtong seryoso ang gipamati sa lawas kinahanglang magpa-rehistro og sayo sa alas-3 sa hapon ugmang adlawa.
Si Suarez usa ka missionary priest nga nakabase sa Canada ug ilado na kaayo sa Catholic community sa kalibutan gumikan sa pagpanambal niini.
Usa ka Randy Candelaria, Filipino nga nakabase sa California mihatag og positibong testimonya kang Fr. Suarez .
“I was diagnosed in October 2008 with stage 4 cancer. A month after Father Suarez laid his hands over me, I was supposed to have a bone marrow transfusion. I was confirmed in my last PET scan, as of March 2009, of being cleared of stage 4 lymphoma and didn’t need the bone marrow transplant. By God’s graces through Fr. Suarez’s hands, I am cured. I am living proof of God’s work,” nagkanayon si Candelaria.
Samtang gipasabot hinuon ni Fr. Suarez nga ang pagka-ayo sa mga masakiton nagagikan sa gahom sa kahitas-an ug alang niadtong motuo sa Diyos.
“I don’t give false hope – I never say that if they come, every cripple will walk, every blind person will see, everyone with cancer will be cured. No. I tell them to be open to God. The bottom line is, it’s all about God’s will,” nagkanayon si Father Suarez. (BANATNEWS)
- Latest
- Trending
