Brown out gipalapdan

CEBU, Philippines - Gipalapdan pa sa Visayan Electric Company (VECO)ang puli-puling brown out dinhi sa Metro Cebu gumikan sa kakuwang sa suplay sa kuryente.

 Sumala ni Ethyl Natera, tigpamaba sa Veconga mikabat naog 150 ka megawatt ang kuwang sa suplay sa sugang dagitabnon dinhi sa Sugbu ug saubang bahin sa Central Visayas karong panahona.

 Matud pa ni Natera nga sugod niadtongmiaging buntag mianam na kadako ang kuwang sa suplay sa kuryentedinhi sa Sugbu hinungdan nga gipatuman nila ang tagsaka oras nga rotational brown out sa matag feeder.

Kini nagpasabot nga inigkahuman og brown out sa usa ka feeder, lain na usab nga feeder ang pawngon aron nga makatilaw gyud ang tanan og pagkapawong sa kuryente..

 Si Natera nagkanayon nga inigkahapon mokabat na sa 170 ka megawatt ang kuwang sa suplay sa kuryentesamtang inigka- gabii moabot kini ngadto sa 220 ka megawattnga mosangpot sa mas halapad pa nga brown out sa tibuokMetro Cebu.

 Si Natera mipahibawo usab nga niining mga tungora wala makahatag og suplay ang Luzon Grid hinungdan nga limitado kaayo ang ikahatag nga suplay sa Cebu-Negros-Panay Grid. Dugang pa ni Natera nga ang nasinati karong problema sa power supply magpadayon hangtod pa sa sunod nga semana.

Hinuon miingon siyanga sa higayong mahuman na ang maintenance check up nga gihimo sa mga tigsuplay og kuryente ngadto sa Veco, mahuwasan na ang mga Sugboanon sa maong suliran. (BANATNEWS)