Tulo ka mga menor de edad nga suspek sa pagpatay gikiha na

CEBU, Philippines - Tulo ka menor de edad sa dakbayan sa Mandaue nga suspetsado sa pagpusil patay, gipasakaan na og kaso kagahapon sa buhatan sa piskaliya.

Si PO2 Arthur Cuyos sa kapolisan sa Presinto 1 sa Centro Police Station miila sa tulo nga sila si Reynan, 17, Remart, 16 ug Miel John, 17, nga pulos taga barangay Centro sa maong dakbayan.

Ang tulo maoy suspetsado sa pagpusil patay kang Arnel Lucero, 19, ulitawo nga taga barangay Ibabao sa nahisgotang dakbayan sa miaging adlaw.

Matud pa ni PO2 Cuyos nga ang tulo ka mga batan-on   temporaryong gibalhog karon sa bilanggoan samtang gipaabot nila ang lakang sa buhatan sa piskaliya niini. - Romeo T. Limpangog (BANAT NEWS)