Gitabanga'g dunggab sa upat ka tawo naangol

CEBU, Philippines - Naangol ang usa ka utility worker human kini tabangi og dunggab sa upat ka wala hiilhing mga batan-on didto sa sitio Laguna, barangay Bulacao, dakbayan sa Sugbo sa miaging gabii.

Ang biktima mao si Roberto Gorpio, 21, nga taga sitio Kabangkalan, Bulacao, ug usa ka utility kansang buko-buko natuhab usab sa mga dinunggaban.

Nasayran nga ang biktima nagpaingon na sa ilang balay human siya mokaon og barbeque sa maong dapit dihang kalit lang giduol sa mga batan-on ug sa walay igong hinungdan gihansakan ang bukobuko niini sa ilang kutsilyo.

Gihatod dayon ngadto sa Cebu City Medical Center ang biktima samtang ang mga batan-ong miluba kaniya dali usab nga nakaikyas. (BANATNEWS)