ASK project naduhiga'g politika

CEBU, Philippines - Naduhigan og kolorpolitika ang gilusad nga“ASK Project” nga alangunta sa paghatag og livelihood project sa mga kabus nga molupyo didto sa barangay Subangdaku, siyudad sa Mandaue kagahapon sa buntag.

Kini sa dihang sibarangay captain Walter Dy mituboy hinuon kang kanhi mayor Arleigh Sitoy sa Cordova nga suportahan sa pagka- board member sa sixto distrito sa eleksiyon karong Mayo.

Ang maong kalihukan nga gitambungan sa gibana-banang50 ka mga lider sa urban poor organization sa Subangdakugitumong aron nga kahatagan og libreng pagbansay sa mga panginabuhian angmga kabus sa maong lugar.

Gawas sa mga skills training alang sa mga lalaki ug babaye, may espesyal pa usab nga kurso nga alang ra gayud sa mga kababayen-an, mga bayot ug mga tomboy.

Dihang nahinabi sa Banat News , si Dy mibutyag nga usa ka kaayohan alang sa iyang mga ginsakupan sa Subangdaku ang proyekto ni Sitoy busa wala niya kalikaye ang pagdayeg sa kanhi mayor sa Cordova ug agi’gpagpasalamat ning maong grasya, gipalanog niya nga angayan gyung tabangan sa pagka-bokalsi Sitoy karong umaabot nga piniliay.

Labaw sa tanan matud pa ni Dy nga taas kaayo ang iyang agtang sa pagpaila kang Sitoy ngadto sa katilingban tungod kay nasinati siya sa katakus niinisa natad sa pangatungdanankun mahimo siyangprovincial board member kay nasuwayan na ang iyang abilidad ug kapabilidad dihang siya pay mayor sa Cordova. - Darrel A. Carumba (BANAT NEWS)