Nag-disko gipusil sa Lapu'

CEBU, Philippines - Samaran sa liog ang usa ka lalaki human kini pusila atol sa usa ka disco sa sitio Malinao, barangay Agus sa dakbayan sa Lapulapu sa milabay'ng gabii.

Ang biktima mao si Herminigildo Amistad, residente sa maong dapit samtang padayon pang giila sa kapolisan kun si kinsa ang duha ka tawong gitumbok nga namusil sa biktima apan usa kanila nailhan lang sa pangalang “Lito.”

Sa imbestigasyon ni SPO3 Rex Ibanez sa Crime Against Persons, desk sa Lapulapu nasayran nga diha sa gawas sa gipahigayong disko ang biktima uban sa mga higala dihang nangabot ang mga mamumuno ug dayong kalit nga namusil sa wala'y igong hinungdan.

Ang biktima unang naigo sa liog apan nakadagan kini hinungdan nga gigukod siya ug giusban pagpusil nga nakaingon sa pagkaigo niini diha sa liog.

 Ang biktima daling gidal sa Vicente Sotto Memorial Medical Center samtang ang kapolisan padayon pang nag-imbestigar sa motibo sa krimen ug sa pag-ila sa mga namusil. – BANAT NEWS