Taloot gibantayan sa militar

CEBU, Philippines - Tungod sa pipila ka mga panghitabo sa barangay Taloot, lungsod sa Argao sama sa mga sunod-sunod nga patay ug pagpanghulga gipadaghan ang guwardiya nga mga sundawo ug kapolisan ilabi na sa kapiyestahan   sa maong lugar karong adlawa.

Sa pakighinabi sa Banat News ni Kapitan Virgillo Rizon sa barangay Taloot, siya nagkanayon nga walay angayang kahadlokan ang mga taga Taloot ug ang mga dumuduong nga mamiyesta sa maong barangay tungod kay gipangandaman kini sa mga otoridad nga magbalantay sa kalinaw ug kahusay .

Dugang pa ni Rizon nga dako siya og pagtuo nga mapakgang ra gihapon ang mga kriminal ug mga tawo nga naglaraw sa pagmugna og kagubot sa Taloot tungod kay kung hisakpan sila sa mga oloridad dili sila mapasaylo.

Bisan ang mga motambong sa kalingawan sa Taloot karong adlawa walay angayang kahadlokan tungod kay protektado sila sa mga otoridad sa balaod.

Apan matud pa ni Rizon nga mas labing maayo nga dili usab magkompiyansa ang mga mamistahay aron nga dili mabiktima sa mga tawong dautan og hunahuna. (Lesley Caminade)    (BANATNEWS)