Konsehal sa Lapu' mi-resign

CEBU, Philippines - Giduso sa konsehal sa dakbayan sa Lapulapu ang iyang duha ka pahina nga irrevocable resignation letter nga nagsugod sa pag-epekto niadtong Enero 4 niining tuiga.

Si Konsehal Damian Gomez nga sakop sa administrasyon mipadangat sa iyang resignation ngadto ni Mayor Arturo Radaza ug miapod-apod og kopya niini sa iyang mga kaubang konsehal sa regular session nga ilang gipahigayon niadtong miaging adlaw. Si Gomez miklaro sa maong suwat nga dili politika kundili trabaho niya sa pribadong kumpanya maoy nag-aghat kaniyang mo-resign tungod kay gidili kanila ang paghupot og public office.

“Due to my recent designation in my private employment that discourages him in holding of any elective government position,” nagkanayon ang maong sulat ni Gomez. Si Konsehal Gomez maoy naghupot isip chairman sa committee on police, fire and penology, labor, employment and training, tourism and international relation sa konseho sa maong dakbayan.  - Romeo Limpangog (BANAT NEWS)