Ginang nadasmagan naangol

CEBU, Philippines - Naangol ang usa ka ginang human dasmagi sa sakyanan sa usa ka Italian national didto sa barangay Colon, dakbayan sa Naga kagahapon sa alas 9:50 sa buntag.

Ang biktima mao si Merlita Partubal, 40, minyo, nga taga   barangay Mananga II, dakbayan sa Talisay.

Samtang ang suspetsadong nakadasmag kaniya nailhang si   Luigi Distesanis, 82, minyo, nga taga barangay Tinaan dakbayan sa Naga ug usa ka Italiano.

Si PO2 Miguel Castanares, desk officer sa Naga City Police Station nga nahinabi sa Banat News nagkanayon nga ang suspetsado gikan sa syudad sa Naga nga nagmaneho sa iyang army type jeep nga may plakang GLM-448 paingon sa dakbayan sa Sugbo kuyog sa iyang asawa nga si Edna Rivera Distenasis.

 Dihang paghiabot sa may barangay Colon, tungod sa Salcon Power Plant milabang ang biktima ug gumikan sa kakalit wala makabantay dayon ang Italiano hinungdan nga nadasmagan ang nahauna ug nakaangkon og samad sa ulo gumikan sa pagkapantok niini sa sementadong karsada.

Dali kining gidala ngadto sa South General Hospital sa dakbayan sa Naga.