CEBU, Philippines - Duha ang angol sa pagpangluba nga nahitabo sa nagkalainlaing dapit ning dakbayan ug sa managlahing oras sa pagsugat sa bag-ong tuig.
Ang mga biktima mao si Area Raganas Elman, 45, nga gidunggab ni Noel Cabatas Ramos, sa ilang lugar sa dalan Ramos ning dakbayan sa Sugbo ug gihatod dayon kini sa tambalanan.
Samtang si Adelyn “Cherry” Barsorbvia, 22, nga taga barangay Kalubihan giluba usab sa iyang silingan nga si Junjie Ortado.
Si Madeline, 12, nga anak ni Elman mibutyag sa kapolisan nga samtang natulog sila sa ilang balay kalit lang gisaka ang iyang amahan ug gitusak sa suspetsado pagluba ang kawalasan niini.
Samtang si Barsorbia, misuroy sa Kalubihan uban sa iyang anak dihang kalit lang kining giluba sa suspetsado makaduha ka higayon.
Ang biktima nga nasabak sa ubos nga bahin sa iyang suso ug likod nga bahin niini ug daling gihatod ngadto sa Perpetual Soccour Hospital. Ang miluba kaniya ni Barsorbia ug ni Elman pulos nakasibat ug mao karon ang gipangita sa kapolisan. - Lesley Caminade (BANAT NEWS)