Gumikan sa firecraker lodging house sunog

CEBU, Philippines - Gumikan sa giingong pagpabuto og firecracker, naugdaw ang ibabaw nga bahin sa usa ka lodging house didto sa Osmeña St., barangay Poblacion, siyudad sa Toledo niadtong miaging kaadlawon.

Ang nasunog nga lodging house gipanag-iya ni Bienvenido Delica, hingkod, ug molupyo sa nahisgutang lugar.

Si SFO2 Celso Berido sa kabomberohan sa siyudad sa Toledo mibutyag sa Banat News nga matud pa nagsugod ang kayo sa usa ka lawak sa ikaduhang andana sa maong lodging house nga walay tawo.

Apan maayo nalang kay daling naka-respondi ang mga sakop sa kabomberohan ug sulod lang sa 15 minutos nakontrolar ang kayo. Gibana-bana sa kabomberohan nga mokabat sa P150 mil ang danyos sa maong sunog ug walay kinabuhing naangin. Padayon pang gitino sa kabomberohan   ang mga tabi- tabi nga posibleng pabuto nga aksidenting mitugpa sa atop sa maong lodging house   maoy hinungdan sa pagkasunog niini. - Darrel A. Carumba ug Guam Logroño (BANAT NEWS)